我係msn上面個化名係"殘鏡"
其實係表面既意思係想講
我係成日都戴左一個幾殘舊既眼鏡
生綉,上面有一點點既青苔,鏡面上面花痕處處
呢個就係表面意義
不過內在意義就係.....
其實我無人地睇得我咁堅強,咁成熟
我本身都係一個自信心低既人黎
尤其是係我中五出黎之後
係社會,係工作,係人情事,係感情事上都係
三年前拍第一次拖
都諗住可以好長久
不過點知年齡上面成為左問題
又被對方父母嫌棄我既學識
我係2008年年頭我已經好少再搵佢出街
好怕每一次送佢返屋企都要佢喊一次始終一個女仔係自己面前喊
已經係一個好錯既行為....
唔想佢唔開心，唔見面可能係最好既方法
個陣我個心都好唔舒服，好辛苦，好想見但係要忍住
係個陣我個心已經成日都好飄忽，”鏡”一早就已經碎左一半
要令到佢漸漸忘記我
到左最近我成功左喇，知道左佢已經係同第二個開始左一段時間了
不過無論點都好，總好過同一個無自信既人係埋一齊
佢一定會過得幸福，咁就最好既結果
而過後我發覺愈來愈唔識照顧自己
唔在意自己會變成點
因為個心已經係只識得去麻醉，自我催眠
其實每晚都唔係訓得咁好
只係唔想屋企人擔心
總係死撐，唔想有人理自己，連電話咩人打黎我都唔想知
我個心鏡已經係完完全全咁碎哂
我唔想人地見到我唔開心既樣
我一定唔會同其他人提起自己既事
我會愈來愈武裝起自己
如果有人見到我呢一篇文章
你地一定會理解我開始對人生疏....
我唔想再令自己唔開心
封閉自己....或者....人格分裂可能會更好
哼....痴人說夢話呢....
